مولانا فضل الرحمان کی مذہبی و سیاسی خدمات

بندہ ناچیز کی تو سمجھ میں ہی نہیں آ رہا کہ مولانا فضل الرحمان کو ایک عالم دین تسلیم کروں یا مذہبی و سیاسی رہنماء ، کیونکہ اگر ہم مولانا صاحب کو ایک عالم دین تسلیم کریں وہ تو کسی حد تک نہیں بلکہ بالکل درست ہو گا کیونکہ آپ ایک مفتی صاحب کے فرزند ہونے کے علاوہ خود بھی مولانا مشہور ہیں اور یقیناً آپ نے دین کا علم بھی حاصل کیا ہو گا ۔ مگر سوچنا یہ ہے کہ انہوں نے اپنے اس علم کو کہاں استعمال کیا یا کس کو فائدہ پہنچایا یہ بات انتہائی اہمیت کی حامل ہے۔ مولانا فضل الرحمان کو اگر بطور عالم دین دیکھا جائے تو مجھے نظر نہیں آتا کہ اُنہوں نے کوئی قابل ذکر حد تک دین کی خدمت کی ہو یا کوئی کتاب لکھی ہو۔ بلکہ انہوں نے اپنے دینی علم کو استعمال میں لا کر کافروں اور چوروں لٹیروں کو جوڑنے اور اپنے سچے اور کھرے مسلمانوں کو آپس میں توڑنے کی کوشش کی ہے۔ جھوٹ بالکل نہیں لکھ رہا ہوں آپ خود بھی فیس بک وغیرہ پر دیکھ چکے ہوں گے یا دیکھ سکتے ہیں کہ ایک ہی مسلک یعنی دیوبند مسلک کے علماء و عوام آپس میں دست و گریباں نظر آتے ہیں جبکہ وہ شیعہ دونوں کو لڑتا دیکھ کر جشن منا رہے ہوتے ہیں کہ دیکھو یہ کس طرح آپس میں لڑ رہے ہیں۔ جس کا سہرہ مولانا صاحب کے سٙر جاتا ہے کہ جو قرآن کریم کی آیات کی واضح مخالفت کرتے ہوئے مومنین کو چھوڑ کر کافروں کو دوست بناتا ہے حالانکہ قرآن کریم میں ایسا کرنے سے واضح طور پر منع کیا گیا ہے۔ اس سب کے علاوہ ہر حکمران کی چمچہ گیری کر کے مولانا صاحب تمام علماء کے لیے رُسوائی کا سبب بن رہے ہیں گو اُنہوں نے کشمیر کمیٹی کا ممبر بن کر کشمیر کو آزاد بھی کروا لیا ہے مگر ان کی وجہ سے لوگ تمام علماء کی ایمانداری اور دیانت داری پر انگلیاں اُٹھا رہے ہیں۔ یہ تو ہو گئیں مولانا صاحب کی دینی خدمات کہ مولانا صاحب نے دین اور دینداروں کا نام خُوب روشن کیا ہے جبکہ دوسری طرف سیاست کے میدان میں بھی مولانا صاحب نے کوئی بڑا معرکہ سٙر نہیں کیا ہے حصول اقتدار اور کُرسی کے سوا آئین میں کوئی قابل ذکر مذہبی ترمیم بھی نہیں کروا سکا بلکہ سیڑھی کا کردار ادا کرتے ہوئے یہ خُود اور اس کی پُوری جماعت ختم نبوتؐ بل میں ترمیمی کے گناہ میں ملوث پائی گئی ہے جس کا اعتراف ڈرتے ڈرتے وہ خود بھی کر چکے ہیں۔ میری تو سمجھ میں ہی نہیں آ رہا کہ مولانا صاحب پاکستانی سیاست کو اپنا فیض دے رہے ہیں یا لے رہے ہیں !!! کیونکہ جہاں بھی خود غرض پاکستانی سیاست دانوں کا ذکر آتا ہے وہیں مولانا صاحب کے ذکر کے بعد یہ موضوع ادھورہ سمجھا جاتا ہے۔ جس کو یہودی ایجنٹ کہتا رہا ہے اُس نے نیٹو سروس بند کر دی جبکہ یہ نیٹو کو خیبر پختون خوا سے گزار کر اس سے کرایہ وصول کر رہا تھا۔ اور اگر مولانا صاحب سیاست کے بجائے کسی مسجد کو سنبھال لیتا تو اب تک شاید بہت سی اسلامی کتابوں کا مصنف ہوتا یا کم از کم ہم جیسے عامی عوامی اس کی بُرائیوں کو اُچھال کر گنہگار تو نہ ہو رہے ہوتے۔