رینجر اہلکار کی سزائے موت ختم تو دوسروں کی کیوں نہیں ؟

یہ تڑپنا ۔۔۔۔۔یہ ہاتھ جوڑ کر زندگی کی بھیک مانگنا۔۔۔۔۔۔ یہ اپنی بے گناہی کا روتے ہوئے یقین دلانا۔۔۔۔۔۔۔۔اور اپنے محافظوں کے ہاتھوں گولی کھا کر ہسپتال لے جانے کی منتیں کرنا ۔۔۔۔۔۔۔۔اور پھر اپنے خون میں نہا کر ایڑیاں رگڑتے ہوئے موت کے آغوش میں سو جانا۔۔۔۔۔۔۔ یار کیا قیامت نہیں ؟؟؟ بے حسی کی انتہاء نہیں ؟؟؟ جب ایک بے گناہ شہری پر " ڈاکو" کا خود ساختہ لیبل لگا کر ماورائے عدالت قتل کر دیا گیا۔ برا ہوا ۔۔۔۔بہت برا ۔۔۔۔مگر ٹھہریے یہ تو صرف ایک بے گناہ شہری کا قتل تھا ۔۔۔۔ پھر جب سرفراز شاہ کی بے گناہی کا فیصلہ عدالت نے دیا ۔۔۔۔ اور مجرم کو سزا سنائی ۔۔۔۔۔۔تو ہمیں اطمینان ہوا کہ چلو مجرم کیفر کردار تک پہنچ جائے گا۔ مگر بھاڑ میں گئے عدالتی فیصلے آج تو انصاف کا قتل ہوا ۔۔۔۔۔ بھروسے کا قتل ہوا۔۔۔۔۔۔۔جب صدر صاحب کے حکم سے مجرم کو معاف کیا گیا ۔۔۔۔۔ واہ رے واہ ۔۔۔۔۔۔۔۔۔۔۔۔ کسی کا جگر گوشہ چھین لیا گیا ۔۔۔۔۔۔۔۔۔ کسی کے ارمانوں کو دن دہاڑے قتل کیا گیا ۔۔۔۔۔۔۔۔۔ اور ہمارے خاموش صدر صاحب نے بیک جنبش قلم اسے معاف بھی کر دیا ۔۔۔۔ ارے واہ ۔۔۔۔۔۔۔ کیا انصاف ہے۔۔۔۔ کیا عدل ہے ۔۔۔۔۔۔ ہائے صدقے جاواں ۔۔۔۔۔۔۔۔۔۔ صدر صاحب ! میں تو تب مانوں جب کسی اعلی شخصیت کے قاتل کو ۔۔۔۔۔۔کسی سیاسی لیڈر کے قاتل کو آپ صوابدیدی اختیار پہ معاف کر دیں۔۔۔۔۔۔۔۔ آپ سرفراز شاہ کے ابو کی جگہ پہ کھڑے ہوکر فیصلہ کیجئے ۔۔۔۔۔۔۔ میں تو یہی کہوں کہ ایسے دستور کو ۔۔۔۔۔صبح بے نور کو میں نہیں مانتا ۔۔۔۔۔۔میں نہیں مانتا ۔۔

جنگل کا قانون ہے ، یہ بالکل جنگل کا قانون ہے۔ کہتے ہیں کہ ایک جنگل میں نیا بادشاہ آیا تو بادشاہ نے حکم جاری کیا کہ جس جانور کا دم اور کان برابر ہو اس کو چھوڑ دو باقی سب کو ختم کر دو ، سب جنگل سے بھاگ رہے تھے دیکھا کہ خرگوش بھی بھاگ رہا ہے۔ خرگوش کو کسی نے کہا کہ تمہارے کان اور دم تو برابر ہیں ، تم کیوں بھاگ رہے ہو ؟ پتہ ہے خرگوش نے کیا کہا! کہ بات تو تمہاری صحیح ہے کہ میری دم اور کان برابر ہیں مگر مسئلہ یہ ہے کہ بادشاہ پہلے دم اور کان کاٹتا ہے پھر ناپتا ہے کہ برابر ہیں بھی یا نہیں ۔ تو اگر بعد میں برابر بھی ہو گئے تو کیا ہوا ، مجھ سے تو کاٹ دیے گئے ہوں گے۔ یہ قانون ہے پاکستان کا جہاں حکمران اپنے اور اپنے بچوں کو تحفظ دینے کے لیے پل بھر میں قانون کو بدل دیتے ہیں جبکہ غریب بچارہ قتل ہو کر مذموم و ملزوم رہتا ہے۔ اگر شریعت محمدیؐ ہوتی تو سرفراز شاہ کی طرح کوئی بھی یوں بےدردی سے قتل نہ کیا جاتا اور نہ ہی اس طرح صدر صاحب کسی بھی قاتل کو ورثاء کی مرضی کے برخلاف اپنی مرضی پر بری کر سکتا۔